Nakaw

Nakaw 

Sigaw lamang namin ay hustisya para sa ninanakawan
      Lupa, Puno ng Saging, Niyog, Gulay
mismong Buhay ninanakaw

Sigaw lamang namin ay hustisya para sa ninanakawan
      Tubig, Kuryente, Titolo, Bakuran
mismong Buhay ninanakaw

Sigaw lamang namin ay hustisya para sa ninanakawan
      Edukasyon, Uniporme, Lapis, Kwaderno
mismong Buhay ninanakaw

Sigaw lamang namin ay hustisya para sa ninanakawan
      Mata, Bibig, Tainga, Ilong, Kamay at Paa
mismong Buhay ninanakaw

Sigaw lamang namin ay hustisya para sa ninakawan
      Sipa, Tadyak, Bugbog, Kuryente, Bala, Baril sa ulo, at Posas,
mismong Buhay namin ay tinangkang nakawin

Sigaw... Sigaw... Si... Gaw..
Si... Si... Si...

SIGAW nang SIGAW nang SIGAW nang SIGAW nang SIGAW
     Buhay lamang na tangkang nakawin aming pinapaglaban

SIGAW nang SIGAW nang SIGAW nang SIGAW nang SIGAW
mismong Buhay ng walang sala ang kanilang pinatahimik

Sigaw ng backhoe, Sigaw ng Sirena, Sigaw ng nakauniporme
      Buhay niyo ay nasa aming mga kamay na bakal
Sigaw ng mga magnanakaw inyong pinakikinggan
      Buhay niyo ay pinakontrol ninyo ng walang angal
Sigaw ng Isa, Dalawa, Tatlo, Sampu, Dalawampung nakauniporme
Sa mga utos ng mga nagmamay-ari
Kuno ng mga hardin, kung saan binungkal at sinira at dun inilibing ang mga tinanim na buhay at ginawang alipin ng mga landgrabber na salarin
      Putang ina ninyo mga aktibista! Putang ina ninyo!

Sigaw ninyong mga nakauniporme at may bigote
Sigaw ninyo sa aming mga pulubi
Sigaw ninyo sa aming lumalaban
Sigaw ninyo sa aming tulad niyong nilalamangan ng mga dayuhan at gahaman

Sigaw ninyo, puro mura't paninira
Sigaw ninyo, puro pambubusabos, panunupil
Sigaw ninyo, puro makahaciendero't kapitalista
Sigaw ninyo... SIGAW... SIGAW... SIGAW....

Sigaw lamang namin ay hustisya sa ninakawan
Sigaw lamang namin ay hustisya
Sigaw lamang namin ay hustisya sa ninanakawan
Sigaw lamang namin ay katarungan
Sigaw lamang namin ay hustisya't kalayaan
Sigaw lamang namin ay kami'y pakinggan, paniwalaan at paglingkuran
Nakaw. Ninakaw. Nanakawin.

Hindi niyo kami pinakinggan. Mga magnanakaw. Mga magnanakaw ng
SIGAW.
Ang mga sigaw ng mga naghahahangad ng tunay na kaginhawaan.

Sa anim na araw ng aming sigaw. sa aming nakaw na sigaw
Nakaw ay isang krimen, ngunit aming sigaw
HIMAGSIKAN AT DIGMANG BAYAN

Sigaw lamang namin ay tunay na hustisya sa mga ninakawan...

Comments

  1. miss barristerSeptember 23, 2012 at 5:53 AM

    okeeeh.. nice! :D


    kahit ang walang pag-aari ninanakawan
    Kung wala bang kinuhang gamit,
    hindi na kawatan ang ngalan?
    Paano kung ang inagaw
    ay ang mismong karapatan?
    Paano kung ang kinuha
    sarili mo nang kamalayan?


    (rap daw na kunyari) haha!

    ReplyDelete
  2. Athena dela CruzSeptember 29, 2012 at 7:37 PM

    Okay, magcritic na ako:
    Actually, kung gagawing palabas ang poem mo, no need na to change title kay pangfilm na daan iyang title.
    Good establishing word ang "sigaw" and buti nalang sinundan mo ng concrete words ang salitang yun. Madali ma-gets ang pattern: sisigaw kayo, rason kung bakit kayo sumisigaw at anong ginawa nila sa sigaw ninyo---> which is very helpful para mas matatak talaga sa reader ang point mo.

    Sumisigaw kayo para sa mga nananakawan hanggang sa kayo mismo ang ninakawan ng sigaw<- ito point mo diba? :)

    I understand your goal on repeating the word sigaw, but medyo napasobra yata. HAHA. dragging na sya sa middle part. Pero effective naman ang pagkakagamit kasi imbis "nakaw" ang naalala ko, ang nasasagi sa isip ko
    "ahh.. yung about sa sigaw ng sigaw ng sigaw?" HAHAHA. see? power kaayo ! :D

    Tama yung ginawa mong pagpapakilala na may "magnanakaw" nga.It adds more conflict. I suggest mas exciting kung nagbigay ka ng hint kung sino sila. Kahit simbolo lang nila. Hindi necessarily kelangan ireveal. For the benefit ng mga taong hindi alam ng story ninyo. :)

    Nakaka-arouse actually ang poem mo. Sapat yung imagery na nilagay mo jan sa tula para i-lead ang readers into conclusion na "may naaapi at nang-aapi". ^__^

    Generally, thumbs up! Padayon, kuya! MORE! MORE! :))
    God bless you. Di bale, you will soon recall the missing lines for this poem. I believe you have not forgotten it, they're only lost for awhile in your memories. Find these missing lines in the people. Find their meaning through service.

    AD MAJOREM DEI GLORIAM!
    STP! :)

    ReplyDelete
  3. Abon MakamasaSeptember 29, 2012 at 7:58 PM

    Sunggolicious.
    Yeah. I was reciting this to myself when writing it. I kept repeating sigaw since mabilis tempo nyan. Want me to read it in person? Pero thanks. Nakakatulong tlga ang iyong critic. Will improve more for the people in my next poem. ;) amdg!

    ReplyDelete
  4. DARGFebruary 26, 2013 at 6:30 PM

    Ako'y nagtatanim sila ang umaani,
    Lupang aming binili ng tama
    Kanilang gustong angkinin
    Ako'y nag-iisa kasama ang aking pamilya

    Pag New Year piyesta kung sila'y maghanda
    parang saganang sagana
    Nariyan lang ang paaralan
    ayaw nilang pumasok

    Wala daw baon, kontribusyon na 15 pesos hindi nila
    gustong bayaran
    Ang bukas ay kanilang ninanakaw
    Para sa kagustuhan at hiling ng ngayon

    Paligid ko'y angkan nila
    Samantalang ako'y nag iisa
    Bukas ang pinto, halina
    Kung ano ang maisasalo ko'y sige na abot ko na

    Binigyan ng hanapbuhay
    Ang ginawa nila'y magnakaw pa rin
    Kulang ang pera para sa bisyo ay pagpiyesta
    Ngunit buong taon naman sila'y nagdurusa

    Sila'y galit dahil kanilang ibinenta ang lupa nila sa San Miguel
    Binigyan ng tig san daang libo - ginawa nila'y magpagawa ng malaking bahay
    Ngayon ubos ang pera, walang hanap buhay,
    Ngayon lupa ng may lupa ay kanilang tinatangway

    Sigaw nila, dala ang tabak at gulok
    Ibigay ang hindi naman nila pinaghirapan
    Bakit nga ba ganoon ang mga tao?

    Sigaw nila, gagawin daw nilang disyerto
    ang aming maliit na lupang minana sa ama

    Bakit disyerto? Kasi ni ultimong damo raw ay kanilang
    tatangayin
    Gumawa ako ng bahay, sila namang bumutas
    inggit, ngit ngit at galit dahil sila'y mapagbisyo

    Ganyan ang mga tao ngayon
    Gusto nakukuha ang hindi kanila
    Bunsod na rin siguro ng mapag inggit na kultura

    Aking tinanim, sila ang umani
    Aking bakod, sila'y sumira

    Maniniwala ka lang, pag ikaw ang nandito
    Sana makita mo ang totoo sa mata ng katulad ko

    Buhay na ninakaw, ni isang buhok ng tao dito ay hindi ko ginalaw
    Ngunit sila, manakawan ng konti ng kapwa nila - papatayin nila

    Bakit nga ba sila dapat ipaglaban
    Kung sila nama'y pakakainin mo na - kakagatin ka pa?

    ReplyDelete

Post a Comment

Popular posts from this blog

Miseducation of a Filipino by Renato Constantino

THE MISEDUCATION OF THE FILIPINO Prof. Renato Constantino Education is a vital weapon of a people striving for economic emancipation, political  independence and cultural renaissance. We are such  a people. Philippine education therefore  must produce Filipinos who are aware of their country's problems, who understand the basic  solution to these problems, and who care enough to have courage to work and sacrifice for their  country's salvation. Nationalism in Education In recent years, in various sectors of our society, there have been nationalist stirrings which were  crystallized and articulated by the late Claro M. Recto, there were jealous demands for the  recognition of Philippine sovereignty on the Bases  question.  There were appeals for the  correction of the iniquitous economic relations between the Philippines and the United States. For a time, Filipino businessmen and industrialists rallied around the banner ...
Read more

Kasalanan Ba? (version 2, kasama ni Prof. Jopriz Bueno)

Inaalay sa lahat ng martir at bayani ng   pakikibaka   mula sa  First Quarter Storm at magpahanggang   ngayon   tulad nina Beng Hernandez, Rebelyn Pitao, Alvin Santiago, Millet, Tanya Domingo, Ian Dorado, Cris Hugo, Ambo Guran, Karen Empeno, Sherlyn Cadapan,Kimay, Fr.Pops, Cristina Jose, Capeons, at sa   lahat   ng  Biktima ng  Politikal na pamamaslang at pagdukot. Kasalanan bang halikan ang kanilang punglo ? Makialam, harapin ang alimpuyo At umibig sa isang paninindigan Ng rebolusyonaryo’t proletaryado Ng nakikibakang sandaigdigan - Pagdampot mo sa langgam na gaya ko Pilit bumabalikwas ang aking sentido Ako ba’y itak ? Na babasag sa iyong utak?  O lason sa inumin mong alak? Hinubaran mo na ang hubad kong katawan Nilait ng makamandag mong kasinungalingan Mga mata ko’y iyong pinunit Sa bala mong nangigipit Ngunit mata ko’y di pipikit Sa masang ako’y naaakit Iputok mo ang ba...
Read more

Ang Edukasyon sa kasalukuyan (Ateneo de Davao University True Story)

Image
Education is a right not a privilege. Sa ngayon, ang dekalidad edukasyon sa pilipinas ay unti-unting nahuhulog isang pribilehiyo na lamang ng mga taong may pera. Ang iba naman ay naghihirap sa pagtatrabaho upang makapagtapos lamang sa pag-aaral. Ngunit, kung hindi ako nagkakamali, nakasaad sa ating pambansang batayang batas na ang gobyerno ay responsable sa pagsisiguro na mabigyan ng libre at dekalidad na edukasyon ang lahat ng mamamayan ng bansa. Ngunit kabaliktaran ang nangyayari. Naging isang pangarap na mahirap makamit na lamang ang libre at dekalidad na edukasyon. Noon pa man ay nagiging palaisipan na ito para sakin. Maaari bang magkaroon ng libre at dekalidad na edukasyon? Mula nursery hanggang kolehiyo, nasa isang pampribadong eskwelahan ako nakapag-aral. Masasabi ko na dekalidad ang edukasyon tinatamasa ko. Ngunit, kinakailangan bang bayaran ng malaki upang magkaroon ng isang dekalidad na edukasyon? Naguguluhan na ako noon pa man. Akala ko ba Libre...
Read more