Kailan?

Ilang taon din akong naghirap.

Nagbungkal ng pangako mula

sa baul na nakatago.

Lahat na ibinenta ni pamilya,

pati sarili nilang kaluluwa, 

upang ako'y makapagtapos.

Ngunit, pera nami'y hindi 

para sa kanya o sa kanila.



Trabaho. Ninanais kong trabaho.

Saan man ako dalhin ng aking

mga pangarap. Gagawin kong 

lahat, maging maginhawa lamang ang

ating buhay.



Pinatay na ng sistema ang aking pamilya.

Binigyan ng malubhang karamdaman, ang

inang nangangailangan ng gamot. 

kapatid ko'y binaril sa kasalanang hindi kanya.

Tatay ko'y dinakip sa kanyang prinsipyong

ipinapaglaban.

Hanggang ngayon, hustisya ay hindi dumarating.



Ilang taon ang dumaan, 

ilang sakripisyo't paghihirap ang aking

nilagpasan.  Simbolo ba ito ng kabayanihan?

o ng kahibangan? 

Ilan na ang tumangkang umalis sa libingan ng 

mga pangako. 



Sa isang trabaho, akala koy matitimbre ko

na ang inaasam na pangarap - pangarap na 

minsa'y akala ko hindi na matatanto. 

Ginahasa. Ginahasa ako ng among 

akala mo'y santo, iyon pala'y isang 

nagbabalat kayo na demonyo. DEMONYO!



Nais ko lamang ay makapagtrabaho.

Nagluwal ako ng isang bastardo,

ngunit, hindi niya kasalanan. Wala siyang

kinalaman. Ako ma'y

nasaktan, Ako ma'y ilang ulit gahasain ng 

sistemang hindi atin. Ngayo'y nagkaroon

na ako ng panibagong buhay. 



Ngunit kinakailangan kitang iwan anak,

mahal na mahal kita, ngunit kailangan

hindi ako tatagal doon, at ika'y aking babalikan -

babalikan kita, pangako ko yan,

mga luha kong ito'y para sa iyong magandang bukas.



Ate, Kuya, ingatan ninyo ang aking dugo't buhay

ako'y lilisan muna, at babalik din.

ako man gawing puta ng sistema ng mga gahaman,

sistema ng mga mukhang pera.

lahat ay gagawin ko, para sa atin.



Anak, sa aking pagbalik,

nais kong masilayan ng iyong mga mata

sa isang magandang umaga.

nais kong madama mo ang 

ginhawa na dapat sa atin.



Hindi ko kailanman ginusto,

na ika'y iwan ko. Hindi ko alam, kung bakit

kinakailangan kong mawalay sa iyo.

Basta't alam ko. Gusto ko ng trabaho.

Gusto ko mabigay ang dapat sa atin.

Gusto kong mabuhay tayo. Mabuhay tayo

sa isang pangakong hindi mapapako.



at kung itong liham iyong mabasa,

sa iyong ika-18 kaarawan.

Ako'y humihingi ng dispensa.

At hindi man lamang kita makasama.

Babalik ako, hindi ko lamang alam.

Kung KAILAN.

Comments

Post a Comment

Popular posts from this blog

Kasalanan Ba? (version 2, kasama ni Prof. Jopriz Bueno)

Inaalay sa lahat ng martir at bayani ng   pakikibaka   mula sa  First Quarter Storm at magpahanggang   ngayon   tulad nina Beng Hernandez, Rebelyn Pitao, Alvin Santiago, Millet, Tanya Domingo, Ian Dorado, Cris Hugo, Ambo Guran, Karen Empeno, Sherlyn Cadapan,Kimay, Fr.Pops, Cristina Jose, Capeons, at sa   lahat   ng  Biktima ng  Politikal na pamamaslang at pagdukot. Kasalanan bang halikan ang kanilang punglo ? Makialam, harapin ang alimpuyo At umibig sa isang paninindigan Ng rebolusyonaryo’t proletaryado Ng nakikibakang sandaigdigan - Pagdampot mo sa langgam na gaya ko Pilit bumabalikwas ang aking sentido Ako ba’y itak ? Na babasag sa iyong utak?  O lason sa inumin mong alak? Hinubaran mo na ang hubad kong katawan Nilait ng makamandag mong kasinungalingan Mga mata ko’y iyong pinunit Sa bala mong nangigipit Ngunit mata ko’y di pipikit Sa masang ako’y naaakit Iputok mo ang ba...
Read more

Miseducation of a Filipino by Renato Constantino

THE MISEDUCATION OF THE FILIPINO Prof. Renato Constantino Education is a vital weapon of a people striving for economic emancipation, political  independence and cultural renaissance. We are such  a people. Philippine education therefore  must produce Filipinos who are aware of their country's problems, who understand the basic  solution to these problems, and who care enough to have courage to work and sacrifice for their  country's salvation. Nationalism in Education In recent years, in various sectors of our society, there have been nationalist stirrings which were  crystallized and articulated by the late Claro M. Recto, there were jealous demands for the  recognition of Philippine sovereignty on the Bases  question.  There were appeals for the  correction of the iniquitous economic relations between the Philippines and the United States. For a time, Filipino businessmen and industrialists rallied around the banner ...
Read more

Ang Edukasyon sa kasalukuyan (Ateneo de Davao University True Story)

Image
Education is a right not a privilege. Sa ngayon, ang dekalidad edukasyon sa pilipinas ay unti-unting nahuhulog isang pribilehiyo na lamang ng mga taong may pera. Ang iba naman ay naghihirap sa pagtatrabaho upang makapagtapos lamang sa pag-aaral. Ngunit, kung hindi ako nagkakamali, nakasaad sa ating pambansang batayang batas na ang gobyerno ay responsable sa pagsisiguro na mabigyan ng libre at dekalidad na edukasyon ang lahat ng mamamayan ng bansa. Ngunit kabaliktaran ang nangyayari. Naging isang pangarap na mahirap makamit na lamang ang libre at dekalidad na edukasyon. Noon pa man ay nagiging palaisipan na ito para sakin. Maaari bang magkaroon ng libre at dekalidad na edukasyon? Mula nursery hanggang kolehiyo, nasa isang pampribadong eskwelahan ako nakapag-aral. Masasabi ko na dekalidad ang edukasyon tinatamasa ko. Ngunit, kinakailangan bang bayaran ng malaki upang magkaroon ng isang dekalidad na edukasyon? Naguguluhan na ako noon pa man. Akala ko ba Libre...
Read more